El cuento del zorrillo

AÑASPA WILLAKUYNIN

Unayqa manam imapis kay patsachaw karqantsu. ¿Tsayqa

 imanawpataq llapan kaychaw kaqkunapis yurishqa? 

Llapantapis Kamakuq Yayam rurashqa, nunakunata, 

ashmakunata, kurukunata, hachakuna, imaykakunatapis, 

kay patsachaw kaqtaqa. kananqa manam tsaypitatsu 

willayashqayki, manatsayqa añaspaqmi rimamushaq. 

Unayqa añas allaapa shumaqllallan ashmash kanaq, 

tsayshi 

allaapa nikachaq, mana alli ashma tikrakurinaq, tsaynaw 

karshi payqa llapan ashmakunatapis asyaqllapa riqiq, 

paypa 

shiminchawqa - asyaq atuq, asyaq puma, asyaq kuntur, 

asyaq wiskacha, asyaq lluytsu (luychu, lluychu)... nirllash 

kakuyqaq. Tsayshi llapan ashmakunapis allaapa 

llakikuyaanaq wawqinkuna añas tsaynaw llapanta ashaptin. 

Mana imatapis rurayta atiparshi, Kamakuq Yayaman allaapa 

llakishqa mañakuyaanaq, wawqinkuna añaspa shunqunta 

alliyaykatsinanpaq. Kamakuq Yayaqa llapan 

ashmankunatapis tsaynawllash kuyan, llapan 

ashmankunata allaapa llakishqata rikarnash, añasta 

asyaakunapaq ruraykunaq, tsaypitash añasqa asyan, 

allaapa nikachaq, mana alli kanqanchaw.

Killqaq: Justino Julio Quijano Garcia